Psa 90 | Ndebele | STEP | Umkhuleko kaMozisi, umuntu kaNkulunkulu Nkosi, wena ubuyindawo yethu yokuhlala kusizukulwana lesizukulwana .

Psalms 90

UNkulunkulu ongapheliyo lokuphela komuntu

Umkhuleko kaMozisi, umuntu kaNkulunkulu

1 Nkosi, wena ubuyindawo yethu yokuhlala kusizukulwana lesizukulwana ^a. 2 Zingakazalwa intaba ^{b
,} ^{c
,} ^d, kumbe uveze umhlaba lelizwe ^{e
,} ^{f
,} ^g, ngitsho kusukela ephakadeni kuze kube sephakadeni wena unguNkulunkulu ^h.

3 Uyambuyisela umuntu encithakalweni, uthi: Buyelani, bantwana babantu ⁱ. 4 Ngoba iminyaka eyinkulungwane emehlweni akho ^j injengelanga lezolo selidlulile, lanjengomlindo ebusuku ^k. 5 Uyabakhukhula ^l, banjengobuthongo ^m, ekuseni banjengotshani ^{n
,} ^o obuhlumayo ^p. 6 Ekuseni ^q buyakhahlela ^{r
,} ^s, bukhule ^t, ntambama ^u buyasikwa ^{v
,} ^w, bubune.

7 Ngoba siqedwa yikuthukuthela kwakho, langolaka lwakho sibhujiswe. 8 Ubekile iziphambeko zethu phambi kwakho ^x, izono zethu ezifihlakeleyo ekukhanyeni kobuso bakho ^y. 9 Ngoba insuku zethu zonke ziyedlula elakeni lwakho; sichitha iminyaka yethu njengokubeka iphika. 10 Insuku zeminyaka yethu, kuleminyaka engamatshumi ayisikhombisa kuzo; njalo uba ngenxa yamandla zingamatshumi ayisificaminwembili, kanti ukuzigqaja kwayo kuyinhlupheko losizi, ngoba aphangisa aqunywe, sibe sesiphapha sinyamalale ^z. 11 Ngubani owaziyo amandla okuthukuthela kwakho? Lanjengokwesabeka kwakho lunjalo ulaka lwakho. 12 Ngokunjalo sifundise ukubala insuku zethu, ukuze sizuze inhliziyo yenhlakanipho ^aa.

13 Phenduka, Nkosi ^ab! Koze kube nini ^ac? Hawukela izinceku zakho ^ad. 14 Sisuthise ekuseni ngomusa wakho ^ae, ukuze sithabe sijabule insuku zethu zonke ^af. 15 Sithokozise njengokwensuku owasihlupha ngazo ^ag, iminyaka esabona okubi kuyo ^ah. 16 Umsebenzi wakho kawubonakale ezincekwini zakho, lenkazimulo yakho ebantwaneni bazo ^ai. 17 Ubuhle beNkosi, uNkulunkulu wethu, kabube phezu kwethu ^aj; uqinise umsebenzi wezandla zethu kithi, yebo, umsebenzi wezandla zethu uwuqinise ^ak.